Rechercher

 

Recherche Alphabétique

ABCDEFGHIJKLM
NOPQRSTUVWXYZ
Bienvenue sur ChansonsDeLaReunion.com
OUSA NOUSAVA - OUSA MI LE Imprimer Envoyer


Desu la tér sat mwin lé né

Mi pora pa habité (bis)

 

Dé troa i pens mariag, dé troa i pens lamour

Zot i wa zoli péizag, in ti manzel po zot touzour

Dé troa i pens lav'nir, in pé i rév futur

In boug sové rasta li la po aprésié la natur

 

Desu la tér sat mwin lé né

Mi d'mand a mwin si nenkor Bon Dié (Bis)

 

Dé troa i krév la fin

Dé troa po gaspyé, réflési si fo zét dand somin

Si fo don le chien ou si fo zété, dé troa i sava la més

E zot i pas zenfan d'kér, samedi swar sa war fym la fés

Mé kosa in pé néna dand kér

 

Desu la tér sat mwin lé né

In zour mi giny'ra pi kosé (bis)

 

La kaz mi koz kréol, lékol mi koz fransé

Dand somin zoréol, mon lang tanzentan li d'mand po mayé

Lékol mi koz fransé, in lang i apèl langlé, lalman, lespanwol

Mi koné pi ousa mi lé

 

Desu la tér sat mwin lé né, i fé bon war mon frér kan li lé héré (Bis)


Sé in voyag nou lé ke pasager, kréol en profit ton liberté (Bis)

 

Arét sant la mizér, arét kri ké nou lé maléré

Sant in kou le bonér, exprim in kou la gété

Ou bien sant alélouya, fé pas lamour dand maloya

Lés chagrin mor dand son chagrin

Fé pous bonér dand ton larm de zié

Baz pa si ton voizin si ti vé ét héré

Le bonér lé dand ton min mé i fo konèt manié

 

La di si nou la giny la vi, sé gras Eve evek adam

Mwin mi di la vi la d' ni pouri, dépi kin boug la invent larzen

Mé ri pa tro for wa fé kolèr léternel, mon vi na lo gou la mor

Komm in présipis desou in pas'rel

 

Mé ri pa tro for ou va fé plèr in manzel, mwin mon vi lé inkolor

Mi wa sat la tien lé akoarel, si in zour mwin lé mor

Mèt pa lo roum si mon tomb, dans dansé sat na lo kor

Ma fé d'man rotar po fin du mond, mwin la fin soley

 

Paroles et musique : JORON Frédéric 

 Extrait de l'Album


OUSA NOUSAVA

Les succès souvenirs

Commander le CD sur Discoasis


 
OUSA NOUSAVA - MALOYA Imprimer Envoyer


Gard in kou dand ton zyé la vérité

Lés karés la liberté zoué dand ton sové

Mwin la armont sentié leskyn

Po mwin asiz sou pié jak, mwin la trouv manzel fifyn

Mon sové té komm fatak, si son lèv lavé in sourir

Té i débord souv'nir

 

Té Zozef dand retour més katrér 'bli pa donn manzé koson

André-Paul ma mét a zot gardien bèf, a toué la Réunion

Kand na moustik na do lo é nora tourtrél

La musik s'ra mon palto, sa en ka si na pwin soley

Si mon vi rét pri dand rozo, ma kri léternél

 

Nar trouvé si ou woa Bon Dié, koz po nout dé ou

Di pa li le trin kélélé, ma fé romans samb kér bwa dou

Lodèr géranium ék lodèr bonomm, la marié ék la briz

Komm sagrin dand ton zié, na in limièr i koul (i koul)

Dand la vérité

 

Maloya i koul dand la misik a soar la, komm la vi dand ton zyé

Komm la nui dand ton sové

 

Maloya komm in rév éternél a tér la, dand ton bouch' na in riviér

De lé, de miel lès a mwin  dand ton voa

 

Komm labitasion la bwar transpiration gran papa

Ma fann mon sentimen dand lansen, mé sér a mwin dand ton bra

 

Dé fwa mon kér i giny pi gardé tou sa la , ma ès a li débordé

Panga i koul ent' ton dwa

 

Bon mi pli bagag, lèr la fyn ni vié

Lès mon zié enregis ton visag, po mwin pa oublié

 

E kan silens s'ra la, ma rakont a li in zistwar

Ma dia li ou koné la ba, nén ti fi la po lé nwar

Wi a mi mèm té yèm fé plan mon kér, i fé pér

 

Lé ékri in zour viendra, ou larièr larièr larièr larièr

Larièr larièr gran pèr de nout gran papa

Li va arsend desu la tèr, wi po nir mèt lord

S'ra dand in gran léklips blan yapèl sa lapokalips

La tèr komm in flèr san pétal, wo mi sen wo mi sen

In troa zièm gèr mondial i sent le mal la ba

Mi wa mon kèr ensemb i kri "MALOYA, MALOYA"

 

Paroles et musique : JORON Frédéric 

 Extrait de l'Album


OUSA NOUSAVA

Les succès souvenirs

Commander le CD sur Discoasis


 
OUSA NOUSAVA - OUSA NOU SAVA Imprimer Envoyer


Kombien kréol i plér lo zié fermé
Mi kompran pa kan domun i di ke nou lé fransé
Mwin na in famy en Frans i artourn biento
Pars ke domoun la Frans i apél a zot sal négro

Demain kan koq sar fini santé
Si ou vé nout dé ou nou va koz in pé
Dé tout fason sat mi di i serv'ra pas arien
Ou va di a mwin sé la vi, ou va di a mwin sé le destin

Kan mwin té pti mon papaté tap a mwin
Estér kan mwin lé gran li koz bien ek mwin
Mé li di a mwin komm sa wi oté mon gran dada
Si pli tar ou vé manzé i fodra kou sa travayé

I mèt a ou si tér ziska 18 an
I ésey fé out bonèr dapré zot sentimen é li di a ou dan out vi
Ke sé li le patron é si li la di wi i fo pa ke ou di non

La mer, le syel, soley tou sa lé bien zoli, mé kréil li iaim' osi
Kan son ti kafryn lé dan son li, sa lé momentané
Mé i réchof son kèr, kan son parol lé bloké
Li ofr' in bouké flèr (po ti kafryn la)

Po tit kafryn la li va désot la mer
Po tit kafryn la li va larg in priér, li lé fatigé embrasé
En kachet dériér l'aj'té, ozourdwi li sort ag'nou
E li d'mand son liberté

Domin nou va mont dan léo, domin nou va rod la foré
Mé Robinson Cruzoé tou sa la la fini ékri
Alon rod ou sa i lé nout ti paradi (bis)

Avan ke zomm politik i déclench la gér
Avan kin boug bon ou mové i fé tremb la tér
Alon mèt la min ensemb, nout tout alon amuzé
Not tout i resemb la pa bezwin kritiké

Mé desu la tér na in gatér i apél Président
Gouver'ment na pwin larzent mé li la po voyag toul'tem
In zour dand son déprésion po li fann' son kolér
Boug la va péz si in bouton la-ba i déklench in gér nukléair

Domin nou va mont dand léo, domin nou va rod la foré
Mé si ou bwar pi lo roum, mé si ou sar pi la boutik
Alon fim' in nafér band' na i apél la kalit (Bis)

Domon dand lé ba i di ke zot i mang pi patat
Lés la moukat la po domoun i habit Mafate
Lés a zot kosé  in zour kan manzé nora pwin
Kan zot bav va komens koulé 
Domoun dand lé ba va manz zot voazin

Le blan i tap le nwar i di ke sé le destin
Marsien i débark dand fénwar zot i di ke sé le destin
In zour kan nora pi manzé apél a li destiné
Sat la pa planté li va fé pitié

Domin nou va mont dand léo, domin nou va rod la foré
Mwin la pa konu l'esklavag komandèr dand tan madam' Débassin
Mé mi viv si in bout la tér in volkan dand l'Océan Indien

Ekout dand kokiyag ou va enten' le bruit la mer
Apren a ét sag si ou vé alé en lér, ou pé touzour bat in karé
Dand lespwar din chang'men dèr
Ou pé osi maziné kapré ou arsend desu la tér

Avan la kaz mémér kand nou té fini manzé
Té akout zistwar gran pèr tou sala po bien digéré
Gran matin in kafé péi avek in diné sofé, la mon zourné té rempli
Mwin la vé la fors po mwin aimé

Domin nou va mont dand léo, domin nou va rod la foré
Mwin la trouv in rêv dand frontiér linfini
Na l'amour desu nout lév oté pren avan na pi
Mon kér komm in flér son lodèr maloya, la tér sé l'enfer
Mon Dié Siegnér "OUSA NOU SAVA"

Paroles et musique : JORON Frédéric 

 Extrait de l'Album


OUSA NOUSAVA

Les succès souvenirs

Commander le CD sur Discoasis


 
OUSA NOUSAVA - SAVANNAH Imprimer Envoyer


La lyn èk soley pas lwin marié, mwin su'd li mon zié lé kolé

I di gramoun la lév gran matin

Po alé rod travaye partou dand somin

 

Dand siel na pwin niaz di tou, sa i vé fé kompran a mwin 

Si mi mét pa lombraz si mon tét, atension loraz mal de tét

 

Dé fwa mi d'mand a mwin vrémen, dand kél bor mwin lé rendi

Oté dand prosin kroazé, kél somin i fo mi pren

 

Dé fwa nou asiz dand fénwar, a mwin ék mon gitar

Nou rakont a nou in zistwar po nou rakont a zot pli tar

 

La koup kan la fini nou koné na fourmi sou la tér 

Kan nou wa gran patron po réfléchi, nout kér lé pré po fé la gér

 

A.................Maloya sa

O maloya

Maloya sa                               (Bis)

O maloya

 

Papa engard mon biltin d'not

Zordi ton kér lé tan ti féra pa sand mon kilot

Po tap a mwin kout kér kan

Mwin la ékri pér Noël mwin la envoy in lèt dand lo siel

Mwin la d'mand in poupé po Kristél po mwin é pi in vélo po Mikaël

 

Pren tabouré akout a mwin

Mwin la trouv pér Noël dand la kroasé

Li té sort bwar in kou li la di a mwin oté gramoun

Pér Noël té travaye lizin

Ralé pousé la bat a zot déor la di la fé ék gran patron

Li na pi larzen po asté zoué

Mé li la di a mwin si lo zafér i tourn ron

Disi mwa d' févrié li va arginy larzen

Na giny asté ton zoué (té i di)

 

A.......................Savannah sa

O maloya

Maloya sa                               (Bis)

O savannah   

 

Avan té la rou ék dé bout bwa, nou té mét in pé 'd lo dand

Komm koméla lo tan la sanzé

Fodra ven in koson po nou giny la moné

 

San dand fon la ravyn

Rod manzé kabri zerb po lapin po koson din

Na manz vavang sou pié zamblon

Ta saroye mang na manz ék pimen

 

Zoué kadok kanét dand la pousiér

Zangi brilé zendarm volèr

Zoué papa maman éseye fé lo gran

Réel estér mi wa komm i mank in nafér larzen

Komm in mank in nafér larzen

 

Li apren poém résitasion

Po pér Noël papa zour' d lan

Li asiz si péron li tourn a mwin lo do

Po pa mi wa son ti zié ké lé rempli d'lo

 

Bon Dié la fé tout égalité

Na touzour in gatér po komand a ou

E lo zour son retour, na plis kin pé va regrété

 

A.....................Maloya sa

O savannah

Savannah sa

O maloya


A.....................Savannah

O Maloya

Maloya sa

O savannah

 

Paroles et musique : JORON Frédéric 

 Extrait de l'Album


OUSA NOUSAVA

Les succès souvenirs

Commander le CD sur Discoasis


 
OUSA NOUSAVA - FLER MALER Imprimer Envoyer


La briz i épouz chand' kan, la fré i dor si la montan

Larm i roul dand mon zié komm la mèr i roul galé

Mon larm la po koulé et la briz séy fé séché

 

Lo tan lé komm in fénwar i pas épé komm in brouyar

I aral' a mwin si in tèr mortel silens

Direct dand le dézespwar dand fénwar la soufrans

 

Lo tan i devien pli fré lo tan mé li vé pa sanzé

Kek par dand le mond prézen entouré d'fler entouré le san

In marmay i sa pous un kri s'ra pa le dernié d'sa vi

 

Ekout ékout a mwin mon zenfan, papa té vé pa épouz monmon

Son ti kozman mentèr mwin té en lèr lamour té dou

Le kèr le kor té son dand kèr maldon filas la bou

 

Oté oté pardon Bon Dié, oté mé sa la pa in pézé

Mwin la pèr la ragifa mé li la fyn arivé

In marmay i plèr la ba li la po réklam do lé

 

Mon kèr komm in fey dand louragan,

Mon lèv i tremb semb lémosion

Mé ké li swa noir ou blan li sora touzour mon zenfan

Mèm si po la fèt dé pèr mon kèr va siny ék doulèr mèr

 

Lo tan i vé pi sanzé lo tan mé li devien pli fré

Tou sa ya grandi mon pèr é lé komm in zembrokal

Mé mi pé pa arozé la flèr du mal. Mé li vé 

 

La briz i épouz chan'd kan, lo van la pli soley la po batay

Larm i roul dand mon zié é la mer i kares mon pié

La lyn i fé mont la maré lé tro tar po regrété

 

Quand la briz i épouz chan'd kan, kan la fré té i mèt si la montan

Boug zorey dand tribinal ék son lartik son kod pénal

Li la d'mand a mwin vin mil fran sinon mwin néna po vin tan

 

E boug la li té i défoul bien, ti kafryn la koni son zé d' rin

Komm la bou si la neiz li la bril mon répitasion

Li fé mars a mwin tèt bésé li la fé plèr mon monmon

 

Fler maler o, fler maler sa (bis)

 

Komm la bou si la neiz li la bril mon répitasion

Li fé mars a mwin tèt bésé li la fé hont mon nasion

 

Non non non mwin mi vé pa, non boug en nwar mi prétan pa

Pa bezwin fé priz de san la vé kaf malbar é misilman

Mi flip pa dand lembara mé marmay la na sis papa

 

Fler maler o, fler maler sa (bis)

 

Fénwar la fine rentré, larzan prosé pa po koméla

Ma poz marmay la kaz zot mémé

Mwin na rendé vou semb son papa

 

Paroles et musique : JORON Frédéric 

 Extrait de l'Album


OUSA NOUSAVA

Les succès souvenirs

Commander le CD sur Discoasis


 
OUSA NOUSAVA - RESTE MA MIE Imprimer Envoyer

 

 

1 - Depuis quelques jours, je n'ai plus de tourments,

Aux petits oiseaux, j'ai pris les plus doux chants,

Et chaque matin, je m'en vais sifflotant...

Tu m'es revenue, et mon coeur est content.

 

Nous retrouverons nos petits rendez-vous,

Et ces doux baisers qui nous rendaient si fous.

Pour toi et pour moi, mon amour, quel bonheur ! ...

Oh ! Oui, reste auprès de mon coeur.

 

Depuis quelques jours, je n'ai plus de tourments,

Aux petits oiseaux, j'ai pris les plus doux chants,

Et chaque matin, je m'en vais sifflotant...

Tu m'es revenue, et mon coeur est content.

 

Reste, reste avec moi Ma Mie,

Ne va plus loin de moi, chérie;

Reste, reste avec moi, Ma Mie...

Je te chérirai toute ma vie.

 

2 - Depuis quelques jours, je n'ai plus de tourments,

Aux petits oiseaux, j'ai pris les plus doux chants,

Et chaque matin, je m'en vais sifflotant...

Tu m'es revenue, et mon coeur est content.

 

Je me réjouis des beaux jours à venir,

De toutes les joies que l'on pourra s'offrir,

Et ne voudrais pas qu'un seul abandon 

M'apporte la désillusion .

 

Depuis quelques jours,  je n'ai plus de tourments

Aux petits oiseaux,  j'ai pris les plus doux chants,

Et chaque matin, je m'en vais sifflotant...

Tu m'es revenue, et mon coeur est content.

 

Auteur / compositeur : Jules JORON

 

 

 Extrait de l'Album


Ousa Nousava

Chante les succés de Jules JORON

Commander le CD sur Discoasis


 
OUSA NOUSAVA - MON' TI BONBON ROSE Imprimer Envoyer

 

 

Si temps en temps grand-père

Y aime encor lève son' ti verre,

Grand-mère, de son côté,

Y peut pas s'en passe son café.

Papa, maman,

Y aime bien zot demi douzaine z'enfants,

Moin, mes amis,

Mi aime beaucoup Manzelle Mimi.

 

Mimi, c'est mon' ti bonbon rose,

Mimi, c'est mon' ti paradis...

Avec Mimi, mi vois la vie en rose,

Côté Mimi, mi veux reste toute la vie.

 

Si mon frère Léopold

Y connaît rien qu'à jouer Foot-Ball,

Si mon' ti soeur Lala

Y connaît rien qu'à jouer baba,

Tandis que le dernier

Y joué rien qu'avec son télé,

Moin, mes amis,

Mi joué avec Man'zelle Mimi.

 

Certains lé bienheureux

Seul'ment quand zot l'a bien mangé;

Na d'aut' po êt' contents

Y veut gaigne in paquet d'l'argent;

Tout l' moune, à zot manière

Y veut viv' heureux si la Terre...

Moin, mes amis,

Mi veux marier avec Mimi.

 

Auteur / compositeur : Jules JORON

 

 

 Extrait de l'Album


Ousa Nousava

Chante les succés de Jules JORON

Commander le CD sur Discoasis


 
OUSA NOUSAVA - SEGA LA MORUE Imprimer Envoyer

 

 

Zozimé sar jouer loto,

Li prétend trouve les six bons numéros.

Lé pas défendu rêver,

Tous les jours li la po répéter.

 

Quand moin s'ra riche, ni mange' a pi la morue,

Quand moin s'ra riche, ni mange' a pi la morue,

Sardines en boîtes ? Li peut reste dans la boutique...

Mi dis pas zot quoué

Tout sar mi sar fé

Avec mon monnaie.

Sat mi connais, c'est qu' mi mange' a pi la morue,

Non, non, non, non, parle pi à moin d' la morue,

Mon poche s'ra plein

Avec gros, gros billets...

Tire devant moin 

Ce cari "j'ai cru t'aimer".

 

Dégommé y joué Tiercé,

Là, li trouve toute : Quarté, Quinté...

Li fé confiance son destin

Et li di' à ou : à partir d'demain

 

Na beaucoup lé sans travail,

Mais zot y veut veut gaigne in bon monnaye.

Zot y gratte avec le coeur

Tac-o-tac, Bingo ek Millionnaire

Combien y mette zot l'espoir


Là, jusqu'à dans zot prière du soir

Y demande saint-Expédit

Fé in geste po zot gaigne la Loterie

Et y dit : ( Au refrain )

 

Auteur / compositeur : Jules JORON

 

 

 Extrait de l'Album


Ousa Nousava

Chante les succés de Jules JORON

Commander le CD sur Discoasis


 
OUSA NOUSAVA - Mouche à miel Imprimer Envoyer

 

 

Mon parrain l'a di' à moin comme ça:

"In grand marmaille douze ans

Ca la pas peur mouche à miel, mounoir !

Té !  mi connais ti aimes miel vert,

Alors, faut pas 'voir peur,

Viens quand ti veux, ma tiré, ta goûté".


Mi débarque son case,

Dans la cour lé plein d'caisses en rangs,

In tralé mouches noires

Y plane si mon tête en ronflant,

In bois y boucane

Parrain y dépose dans mon main,

Li coupe deux feuilles banane

Et li di' à moin "viens!"


Mon parrain l'a di' à moin comme ça :

"In grand marmaille douze ans

Ca la pas peur mouche à miel, mounoir!

Té !  mi connais ti aimes miel vert,

Alors faut pas 'voir peur,

Viens quand ti veux, ma tiré, ta goûté"


Ziouw! Ziouw! Ziouw! Ziouw!

Mouche à miel y ronf' dans mon z'oreille,

Lé pas gaillard,

Ziouw! ziouw! ziouw! ziouw!

Ri pas moin si mi gaigne la tremblade,

S'ra pas gaillard

Si son l'arguillon

Y mette en tapok si mon nez.


Avec in' ti coucoune li fé la fumée,

Parrain c'est un gramoune qui manque pas toupet...

Non, le mouche fé pas peur à li,

Li cause avec zot comme si té son famille.

Debout' côté d'li, moin mi bouge pas du tout,

Cap cap dessus moin, mi flageole su genou...

Mi veille si parrain y voit pas

Po moin fé in signe de croix.


Mais quand la famille sous la varangue,

L'assise autour l' grand van'

Rempli belles gaufres de miel, mounoir !

Là, moin l'avé pi peur à rien,

Ca l'été comme un festin

Oui, la fête de miel là-bas, chez mon parrain.

 

Auteur / compositeur : Jules JORON

 

 

 Extrait de l'Album


Ousa Nousava

Chante les succés de Jules JORON

Commander le CD sur Discoasis


 
OUSA NOUSAVA - TI BAPTISTE Imprimer Envoyer

 

 

TI baptiste, toué lé un peu trop jaloux,

Ti Baptiste, ton' ti femme lé trop calou...

Dan' chemin, quand elle passe, tout' jeunes gens

Y veut gaigne comme in crise palpitation.

Ti Baptiste, y dit ton femme lé volage...

Ti connais, y faut pas croire commérages;

Ek not' tout' elle lé gentille simplement,

Pas besoin ti attrapes in mauvais coup d'sang.

 

Faut pas pleurer,

Ti Baptiste, faut pas pleurer,

In' ti sourire, ça l'a pas in gros péché.

Ton' ti femme là,

Ti connais li aime à toué,

Peut-êt' son coeur lé un peu trop généreux.

 

Auteur / compositeur : Jules JORON

 

 

 Extrait de l'Album


Ousa Nousava

Chante les succés de Jules JORON

Commander le CD sur Discoasis


 
OUSA NOUSAVA - CASIMIR Imprimer Envoyer

 

 

Moin mêm' Casimir,

Mi connais pas lir'...

Mi connais pas lir'...

Mi connais pas écrir'.

Po lir' mon journal comme y faut, oh !

Y faut li lé rempli photos.

 

Dans mon temps, ça l'été pas drôle,

Moin la pas trouve chemin l'école;

Mais mi gaigne gratter, planter,

Moin na deux mains, mi fé n'inporte quoué.

Quand moin l'a trouve mon zézère,

Moin lé craintif, moin l'avé peur,

Mais po moin sauve mon l'amour,

Té faut bien qu'mi di à li in jour :

 

Mon beau-père l'a dit : mon garçon,

Ecoute à moin d'abord et sans façon,

Principal c'est qu'ou lé bâti

Po prétend marier ek mon fille

Si ou lé in travailleur,

In boug' honnête, in boug' bon coeur,

Ou va aide à moin plante maïs,

Et l'a pas besoin ou l'a honte dit : 

 

Auteur / compositeur : Jules JORON

 

 

 Extrait de l'Album


Ousa Nousava

Chante les succés de Jules JORON

Commander le CD sur Discoasis


 
OUSA NOUSAVA - CHRISTIANE Imprimer Envoyer

 

 

Tout' band' jeunes gens, aux Avirons,

Mi remarque bien, zot y tourne rond...

Tous les dimanches, après 1 heure,

Bras d'sus, bras d'sous ek zot zézères.

Moins si, un soir, moin l'a pensé

Mi voudrais in' ti fille dan fond Brûlé

Mais na quèqu'chose que moin l'a peur :

Son papa lé sévère.

Mi vien' arrive ici,

Ti fille là lé jolie,

Son papa moin la peur

Mi veux pas gaign' malheur.

Mi vien' arrive ici,

Moin l'a peur coup d'fusil,

Mi veux pas aller vite,

Malheur, moin mi évite.

 

Toute la journée mi pense à elle,

Voilà comment elle y appelle :

Christiane ! mi aime à ou !

Mi comprends pi, mon coeur y céde

Quand mi envale mon bouillon brèdes...

Christiane ! mi aime à ou.

 

Paroles : Jean (Nono) PAYET

Musique : Jules JORON

 

 

 Extrait de l'Album


Ousa Nousava

Chante les succés de Jules JORON

Commander le CD sur Discoasis


 
OUSA NOUSAVA - La Réunion c'est in' ti paradis Imprimer Envoyer

 

 

La Réunion c'est in' ti paradis,

Po rentrer, y faut passe par Saint-Pierre.

La Réunion c'est in' ti paradis, 

Et Saint-Pierre l'a laisse la porte ouvert.

 

Na beaucoup d'Créoles

Y quittent la Réunion

Po aller pays dehors...

Zot nana raison

Ou zot nana tort.

Moin, mi reste ici,

Dans mon' ti pays

Où qu'y fait bon viv' encor,

Dans mon' ti case côté d'la Rivière d'Abord.

 

Dans mon quartier

Oui, nana vraiment plein d' jolies choses...

Les vedettes dans l' port

Quand zot y danse l'a point zot pareil;

Et là-bas si la plage

Les jolies filles en bikini rose,

Toute la journée 

Zot y fait caresse à zot par le soleil.


Avec l'argent canne 

Na paye in taxi,

Nous va lé Saint-Pierre à soir

Na mange restaurant,

Nous va lé la foire.

Na boire in bon coup,

Nous va faire les fous

Po oublie tout' not' tracas...

Avec mon tantine, m'a danse in ti séga.


Mon défunt grand-père

L'a di à moin : lontemps

Nana in band' corsaires

La débarque ici

Po v'ni enterre

Tout' zot trésors...

So manqué un jour,mes amis,

Pisque mi gratte la terre,

Zot y entend dire

Moin l'a donne in coup d'pioche

Si in marmite l'or

 

Auteur / compositeur : Jules JORON

 

 

 Extrait de l'Album


Ousa Nousava

Chante les succés de Jules JORON

Commander le CD sur Discoasis


 
OUSA NOUSAVA -Quand la musique y joue séga Imprimer Envoyer

 

 

Attrappe not' zézère, allons danser, allons danser les gars !

Profite la musique y joué in joli p'tit séga.


 Séga, séga, ça la musique la Réunion, oté !

Faut pas tarder  po commence bouge bouger

Séga, séga, ça la musique ton pays le frère,

Arrive à toué, na largue in bon p'tit terre à terre. 


Quand la musique, quand la musique y joué séga,

Oui, nou lé fiers, oui, nous lé fiers quand ni oi ça...

La pi personne y reste assise, marmaille, grand-moune, toute y amuse.

Tout' créoles, tout' Créoles y danse séga, caf', malbars,

Yabs, chinois. Y danse séga... Nana jusqu'à in band'zoreilles

Y lève po essayefé pareil.

 

Auteur / compositeur : Jules JORON

 

 

 Extrait de l'Album


Ousa Nousava

Chante les succés de Jules JORON

Commander le CD sur Discoasis


 
OUSA NOUSAVA - DAN' CANOT' LA Imprimer Envoyer

 

 

Dan' canot' la, moin va descend' la rivière

Dan' canot' la, moin v'arrive si l'bord la mer

En bas là-bas, mon doudou, ti attend' à moin,

En bas là-bas, toué va monte à côté d'moin,

Et si la mer, tous les deux, nous v'aller, nous v'aller.

 

Là-bas, si la mer,

Quand nous s'ra tout seuls,

Na laisse à nous bercer,

La tête à l'envers,

Par dessus, le ciel

Po nous s'ra toujours bleu.

La mer y balance, 

Cadence, ti cadence,

Loin nous s'ra emportés...

Y fé rien,

Nout' deux toué lé bien,

Nous lé bien...

La vie ça lé rose

L'amour, ça lé doux

Quand mi cosse côté d'toué.

Ta dir' que mi ose,

Ta dir moin lé fou

Si mi embrasse à toué.

Mon tête y délire,

La tienne y chavire,

Faut laisse à nous aller

Mon ti coco

Laisse à moin serre à toué fort,

Laisse à moin di' à toué encor

Toué même mon bijou, mon trésor.


Dan' ca, dan' ca, dan' ca, dan' ca, dan' canot là, (Bis)

Dans ce p'tit pirogue, ce p'tit nid d'amour moin néna,

Costé, costé, y fé bon dan canot' là.

 

Auteur / compositeur : Jules JORON

 

 

 Extrait de l'Album


Ousa Nousava

Chante les succés de Jules JORON

Commander le CD sur Discoasis


 
Ousa Nousava - Perron l'enfer Imprimer Envoyer
 
Ousa Nousava - Voleur canards Imprimer Envoyer
 
Ousa Nousava - A cause Fifine Imprimer Envoyer
 
Ousa Nousava - Pic nic chemin volcan Imprimer Envoyer
 
Ousa Nousava - Nénette, ma Nénette Imprimer Envoyer
 
Ousa Nousava - Tite Magalie Imprimer Envoyer
 
Ousa Nousava - Quand tu danses séga Imprimer Envoyer
 
Ousa Nousava - Pécheurs Terre Sainte Imprimer Envoyer
 
Ousa Nousava - Joséphine Imprimer Envoyer
 
Ousa Nousava - Rosalie danse Maloya Imprimer Envoyer
 
OUSA NOUSAVA - ZABITAN Imprimer Envoyer
 
OUSA NOUSAVA - OTE LA LYN Imprimer Envoyer
 
OUSA NOUSAVA - DERASINE Imprimer Envoyer
 
OUSA NOUSAVA - ZAMAL Imprimer Envoyer
 
OUSA NOUSAVA - TI PARI Imprimer Envoyer
 
Orphée - Quand la nuit s'avance Imprimer Envoyer
 
Orphée - la salle des pas perdus Imprimer Envoyer
 
Orphée - Mon ami de fortune Imprimer Envoyer
 
Progression - Sourier monsieur madame Imprimer Envoyer

 


Ici nou néna jolie manière ici nou néna toujour le sourire
Le sourire y cache pa mal de chose
Quan ou lé dan la peine la tristess et la soufrance
Quan ou lé en parmi la société
Fo pa ti oubli se geste simpatie lé po bocoup
La personne en face li sra pli à l'aise
Et la conversation deviendra plu intéressent

Refrain
Sourier monsieur madame ou devien pli belle quan ou na le 
sourire
Sourier monsieur madamefé oir ton dent bien blanc
Comme la noix coco dan mon pays
Sourier monsieur madame ou devien pli beau quan ou na le
sourire
Sourier monsieur madame fé oir ton dent bien blanc comme 
la noix coco dan mon pays

Fo pa ou la honte mette en valeur ou joli ptit sourire
Un sourire parsi un sourire par la vive avec le bonheur
Fo toujour le sourire po ou accroche un joli ptit gazelle
La vie lé pli joli quan l'himanité vive dan la gaiter
La vie lé pli jolie accompagner avec un sourier.

 Auteur-compositeur : Jean Michel MOUTIEN

 Extrait de l'Album

Progression - Lever mes zamis

Commander le CD sur Discoasis

 

 
Progression - Larme dolo larme lo sang Imprimer Envoyer

 

A si la terre domoune lé aussi mover
Domoune lé cruel hor ke nou lé de passage
A cause faire autan mal a son prochain
Déjà la vie lé dire lé pa facile po gagner
A cause pas emprofiter la vie lé belle oui
Na gayar zafaire po aprécier dan la vie
Pik nik lo dimanche passe la journée en famillle
La pas bezoin casse coco po complik la vie deux fois plis
Le soir ti dor pi po fane l'eau benis dessi loto
A mon Dieu seigneur la honte ou la poin kouer

Koeur
Zordi moin mi pleure larme dolo
Y fé rien ma suporte mon doulère moin tou sele

Koeur
Zordi moin mi souffe mon kère lé gros
Toé ti bataille ti fé oir toé lé vraiment fort

Koeur 
Demain ou va pléré larme lo sang
Ou va compren cossa y veut dire la doulère

Koeur
Demain ou pé souffe plis ke moin 
Di pa cossa ou la fé bon Dieu mon Dieu seigneur

Demain quan ou va guinlle galop
Pa besoin pléré plère pa
Demain quan ou va guinlle galop pa besoin crier crie pas

 Auteur-compositeur : Jean Michel MOUTIEN

 Extrait de l'Album

Progression - Lever mes zamis

Commander le CD sur Discoasis

 

 
Progression - Monsieur le patron Imprimer Envoyer

 

Mon souhait tou les jours c'est d'avoir un travail
Après tan d'année que moin la étudier
Malgré le chaumage le taux la augmenter (bis)
Lé pa po sa que moin lé désespéré

Moin mi veut pas
Treine tous les jours sans rien faire
Diplôme moin la gagner zordi mi veut travailler
Et nou remarque po zenfent la cour lé pli compliquer
Les venent d'ailleur na plus de faciliter

Refrain
Té monsieur le patron
Y fo ti essaye compren a moin
Des années moin la étudier
Alors moin la bezoin travailler
Té monsieur le patron
Ma mont a ou cossa mi guinlle fé
Avec cet mi conner ou dira pas y fo été expérimenter

Mon souhait tou les jours c'est d'avoir un travail
Après tan d'année que moin la étudier
Malgré le chaumage le tau la augmenter
Lé pa po sa que moin lé désespéré

Moin mi veu pas treine tou les jours sans rien faire
Diplôme moin la gagner zordi mi veut travailler
Mi mette mon service aussi po la sociéter
Moin la pa envie treine tous les jours à l'ANPE

 Auteur-compositeur : Jean Michel MOUTIEN

 Extrait de l'Album

Progression - Lever mes zamis

Commander le CD sur Discoasis

 

 
Progression - Coup de foudre masque Imprimer Envoyer

 

Toé la connu l'amour belle demoiselle
A 20 ans po ou sa lé naturelle
Ton mari chéri coter ou 
Le coup de foudre la pousse a toé a bout
Dehor l'orage cyclone tempette y pé craser
En ce moment ti vive d'amour et d'eau fraiche
En croyen tous les jours que sava dure po toujour
La vie po ou y fé son ti bout chemin
Le mal ou en fou y di pa ou rien
Cet y conte po ou tou les jours
le coup de foudre la fé trouve a ou l'amour
La famille tou les jour y dit mon fille la fine aller
Mais po zot ou la pa réfléchis asser

Ton mari la voulu que ou donne a li bomper zenfent
A ou ou dit l'amour sra pli fort de jour en jour
Ou la pa ésité ou la dit po li fé n'importe kouer
Sans penser que le piège lété déjà installer
Un proverbe y dit l'amour y rende aveugle
San penser ton coup de foudre té un super coup poude
La famille la trouve commen toé la fé po toé accepter
Parce que toé la jamais aime bonhomme là.

 Auteur-compositeur : Jean Michel MOUTIEN

 Extrait de l'Album

Progression - Lever mes zamis

Commander le CD sur Discoasis

 

 
Progression - Lever mes zamis Imprimer Envoyer

 

La pa bezoin kamouf ton tête sorte ter laba vien a ter la 
Na fé un causer na expliquer commen y fo fé 
Po pi galérer
De l'est à l'ouest du nord au sud
Na rode un manière po nou amiser
Toé sra pa pli mal herer
Y fo toé lé fière d'ète réunioner

Moin lé conten mon ti pays
Avec mon séga na pile piler
Moin lé conten mon ti pays
La misik séga moin va chanter

Refrain
Lever mes zamis danse séga la
Lever mes zamis chante séga la
Sa séga la rénion a li même pli mignon
Batte la main marque lé pa na pile piler cadenser

 Auteur-compositeur : Jean Michel MOUTIEN

 Extrait de l'Album

Progression - Lever mes zamis

Commander le CD sur Discoasis

 

 
Racine des iles - La vi Imprimer Envoyer
 
Racine des iles - Si Dieu il y a Imprimer Envoyer
 
Racine des iles - Mon dé zié Imprimer Envoyer
 
Racine des iles - Somèr diplomé Imprimer Envoyer
 
Racine des iles - Renn pa le mal Imprimer Envoyer
 
Racine des iles - Laiss a nou viv Imprimer Envoyer
 
Racine des iles - Politisien Imprimer Envoyer
 
Racine des iles - il pleut Imprimer Envoyer
 
Racine des iles - Peser galer Imprimer Envoyer
 
Racine des iles - Ki sa la di Imprimer Envoyer
 
Racine des iles - Mon douler kabaré Imprimer Envoyer
 
Racine des Iles - Moin lé la mem Imprimer Envoyer
 
<< Début < Précédent 1 2 3 4 5 6 7 8 9 10 Suivant > Fin >>

Page 8 sur 10