Ousa Nousava - Pécheurs Terre Sainte Imprimer

 1-Quand moin l' a envie d'mange in carry posson
Là-bas bazar mi sar rôde in morceau le thon
Ou bien pêche caval, ça mêm l'est moin cher
Sinon y faut mi sava ach'té poisson Sapmer
Si mi trouve in ti carry Macabit
Vit'ment mi cours la case po fait prépare à li
Mon vieux momon y gaigne arrange ça bien
Avec zognons, l'ail, safran et in ti branche le thym

Refrain
Prépare mon carry macabit momon
Mette piment bien fort
Ajout' in ti grain massalé là-dans
S'ra meilleur encor
(bis)

2-Pourtant pêcheurs Terre Sainte l'est pas l'auteur
Si rouges, grand-guêles, capitaines, vivaneaux l'est cher
Car mi vois zot l'est toujours malhérés
L'a pas tout l'temps zot y gaigne mange ça qu'zot l'a pêché
Souvent quand mi batte in carré bord la mer
Pêcheurs l'est assise quat' patt' canot' l'est vent en l'air
Zot y regarde la mer batte jusqu'à dans l'port
Et mi pense l'a pas zordi mi pourra dire encore :

Refrain
Prépare mon carry macabit momon
Mette piment bien fort
Ajout' in ti grain massalé là-dans
S'ra meilleur encor
(bis)

Auteur / Compositeur : Jules JORON

 
Extrait de l'Album

Ousa Nousa - Pic Nic Chemin Volcan

Commander le CD sur discoasis.com

Télécharger sur musiquesdelareunion.com