JORON frédéric - Kel lékol Imprimer

Kand ti gard dand mon zié

Mon ker i ginye galo

Moin la cho moin la fré

Moin la soaf kouvertir ton po

Kand ti gard dand mon zié

Mi perd tout mon bon mo

Mé mi di a moin a koz

Koum si tout en moin i koz

Kand ti march dand soulié

Lerk ton talon lé o

Sou la oule mon pensé

Mamzel mi tir a ou mon chapo

Koum tarzan liane en liane

Mi vien mi gonf mon pektoro

Mé si la kord i kas

Mi tomb dand la mélas

 

Kel lékol ou sa va

Ki sa out la montrér

Tout la fors moin néna

Ti ral a moin derièr

Dé foi mi koul béton

Mi lèv lo roch, mi koup lo fer

Kand moin lé koté ou 

Mi perd lér

 

Kand ti gard dand mon zié

Ti don a moin lastik

Moin lé fèb si mon pié

Mi sif kom in toulit

Tou sèl devan la glas

Mi sa répèt mon role

Kand nou lé fas a fas

Ti fé send mon zépol

Kand mi kos koté ou

Koum ki diré gramoun

Mi flagel si genou

Kao premié rond

En délir chaviré

Ti fé monte mon léfé

E kand ti gard a moin  

Le mem kestion i vien

 

Kand ti gard dan mon zié

Mon ker bat dand mon do

Mi koné pi kozé

Moin la fré moin la cho

Dan loséan ton zié

Kouran la rale a moin o large

Mi rode in p'ti vag

I ramèn a moin sil rivage

 

 Auteur-compositeur : JORON Frédéric


 Extrait de l'Album

Frédéric Joron
Kel lékol

Commander le CD sur Discoasis

Télécharger l'album sur musiquesdelareunion