MAOUL - Maoul Imprimer

Lé nwar lé blan lé mélanzé

Maoul kosé lé maoulé

Po rakonté li va santé

Doumon i ri li lé maléré

 

Lé kodindé sové konyé

Maoul fransé la fine fané

Li koné pi son pédigré

Malgas ti pé li giny kosé

 

Liton sousou sa in maoul oté

Lo sou konflor patat avélé

In yab pat zone sa in maoul oté

I giny pa di mé i giny fé

Wawar na pwin po moukaté

Saminm in moun

Konm tout domoun oté

 

La pat kanar na pwin soulyé

Maoul somin santyé galé

Ferblan dolo si son koko

La pay fig dolo dann son do

 

Sousou zérnyom dann bitasyon

Maoul li bwar son ronm maron

Ti plans kouto karot taba

In pyé zamal po kok batay

 

Litonn sousou sa in maoul oté

Lo sou konflor papat avélé

In yab pat zone sa in maoul oté

I giny pa di mé i giny fé

Wawar na pwin po moucaté

Saminm in moun

Konm tout domoun oté

 

La lamp pétrol po ékléré

Maoul na pwin léstrisité

Kizine la pa sofistiké

Kasya moulal, ék boukané

 

Li fé pityé li rest dan léo

Maoul koné pa monbolo

Na pwin bon pé i sa lékol

Nana bon pé i poz la kol

 

Auteur/Compositeur : Yves HOARAU

 

 


 

 


 Extrait de l'Album


MAOUL
Lé nwar, lé blan, lé mélanzé

Commander le CD sur Discoasis