MAOUL - Kounm in karousel Imprimer

Soley i bwar la mèr
Niaz i mouy la tèr
Dolo i koul dan la mèr
Dolo i koul si la tèr
Konm in karousèl
Dann tan mon granmèr
Fénwar i manz soley
Epi solèy i lèv

Fimyé i fé pous maî
Lo zerb i fé touf dori
Bann ti swazo bèk roz
Li manz li bat la zèl
Minm si ou aminn la gèl
Sar pa po ou tousèl

Karapat si tété bèf
Ti bèf konm Simandèf
Li la trouv la Nouvèl
Li rod son lé tousél
Kounm in karousèl
Li manz li bwar li kour
Mé kan variv son tour
Va mank ali lamour

Kabri i manz salad
Lo mèt lé an balad
Li lé an plin siraz
La tonm dan la kayas
Konm in karousèl
Li lèv li bwar li tonm
Li na dwadpyé kout kony
Pokwé la fé lo ronm

Lavyon i port marmay
Lo mèt i désir son kabay
Larmé i mont ali batay
Son vi lé dan in tramay
Konm in karousèl
Li né li pous li krèv
Minm si li fé la grèv
Lo gro va bèze son gèl

Auteur/Compositeur : Yves HOARAU

 

 


 

 


 Extrait de l'Album


MAOUL
Lé nwar, lé blan, lé mélanzé

Commander le CD sur Discoasis