Rechercher

 

Recherche Alphabétique

ABCDEFGHIJKLM
NOPQRSTUVWXYZ
MAOUL - Plézir la misèr Imprimer Envoyer

Lo swar dan la kaz
La pli si la tol
Wala zot i anbras
Minm li san lalkol
Kosa zot va fé
Zot napwin télé
Sa minm distraksyon
Po tout zot nasyon

Balans balansé
Ti pous mi pous sa la mouyé
Zafèr larivé
Balans balansé
Bondyé sényèr kwé larivé
Lo vant la gonflé

Dann ti kaz dé pyès
Marmay i grandi
Mé koman anpès
Si zorey i arkoki
Inn ti soukouyaz
Si inn ti payas
In siro domyèl
Kan la line i lèv

Balans balansé
Ti pous mi pous sa la mouyé
Zafèr larivé
Balans balansé
Bondyé sényèr kwé larivé
Lo vant la gonflé

Inn ti vèr larak
In gran zourné travay
Kan li rant son kaz
Li lé konm kok batay
li domann po kasé
Laba lé fatigé
Mé afors flaté
La fini par sédé

Balans balansé (rofrin)

In manyèr kosé
In manyèr flaté
Inn ti békoté
In manyèr bouzé
I domann si lé dou
Woté mon doudou
Sik siro domyèl
Konfitir la tay poul
Balans balansé (rofrin)

Auteur/Compositeur : Yves HOARAU

 

 


 

 


 Extrait de l'Album


MAOUL
Lé nwar, lé blan, lé mélanzé

Commander le CD sur Discoasis