BASTER - Bibizako Imprimer

Dann lèr midi,mwin té mont la kaz

Ek mon kouto, mon bertèl desi mon do

Mwin lavé so, inn ti niaz pas si mon tèt

Mwin té san lodèr la pli

Dann filao, koté kanal marmay i zwé

zot i manz bibizako

 

ROFRIN

Momon papa ékout amwin

Mwin la bozwin la tèr

Po plant maniok

Po plant patat

Po plant dori, mayi

Mon bousé manzé, ton bousé manzé

Son bousé manzé, nout bousé manzé

Po nou viv

Dan mon min néna divé, la koulèr dofé (bis)

Si mon figir dolo i koul, la koulèr lo san (bis)

 

Dann in foré, si in bout la tèr

Néna plantèr, trann ral méné la mizèr

Akoté minm, néna larzan po gaspiyé

Po bous lo zié Réyoné

Nou wa, nou di, ni koz

Mé ou giny pa fé ryin

Oté marmay donn la min

Po nou giny byin war domin

 

ROFRIN

 

Si domin néna la gèr

Té ppa kilé la tèr

Ousa nou va tir manzé po nou donn

Bann ti marmay

Si zordi mwin la pèr, Bondié

Isi dan mon péi bonpé moun lé assisté

Dann lèr midi, mwin té monte la kaz

Ek mon kouto, mon bertèl dési mon do

Mwin lavé so inn ti niaz pas si mon tèt

Mwin té san lodèr la pli

Dann filao, koté kanal marmay i zwé

Zot i manz bibizako

 

BASTER ( GAULIRIS Thierry)

 

 

 Extrait de l'Album



Baster
Lorizon kasé

Commander le CD sur Discoasis