Rechercher

 

Recherche Alphabétique

ABCDEFGHIJKLM
NOPQRSTUVWXYZ
BASTER - Rasine momon papa Imprimer Envoyer

Nou kri la viktwar bann zesklav la été libéré
Swadizan po zot viv an pé mé dopi tan labolisyon
Bann gouvernman i défann anou pans é viv Réyoné nou lé
Alon donn la min po lévé, po bouzé, fé sanzé nout mantalité
Po nou giny kriyé nou lé fièr kalité zanbrocal Réyoné nou lé

ROFRIN
Tou lé zan po vin désanm wé
Nou sava dans maloya gaté
Tou lé zan po vin désanm wé
Maloya po nout tout bann frèr Réyoné

Nout sant séga maloya po essey fé mazine marmay
Listwar tout nout bann zansèt
In zour narivé prann konsyans
In pèp san listwar lé parey in pié d'bwa san rasine
Dia mwin dan kèl pèi la limièr listwar bann zansèt
Lé pa in sours la vi
Nou osi Réyoné nou pran nout valèr
Dann mémwar bann gramoune nout péi

ROFRIN
In zour somanké nou va dans maloya
Tout lané pa solman la fèt vin désamb
Nou va kri la viktwar, la viktwar nout listwar
Nout kiltir nou la giny aforstan lit ansanm
In zour somanké nou va dans séga maloya
Tou lé zour partou dan nout péi
Nou va kri la viktwar, viktwar nout listwar
Nout kiltir nou la giny aforstan lit ansanm

BASTER (Thierry GAULIRIS)

 Extrait de l'Album



Baster
Lorizon kasé

Commander le CD sur Discoasis