|
Qui ça qu'parmi nous y gainlle di la vérité
mi parle la vérité y écrit avec un grand V
comment ni peut dire not camarade lé menteur
que tou çat' lu peux dire nana poin sa valeur
Bon Dieu l'a donne un homme in tête pou réfléchir
mais l'homme y pense d'abord satisfaire son plaisir
combien d'fois lu regarde pas plus loin
qu'son bout d'nez
mi accuse pas personne parce que moin
c'est le premier
Refrain
Mais jordu mi viens prendre un temps pou discuter
tout mon band frère le noir le blanc l'est invité
après si zot y veut nou va roul un cayambe
quand minme moin un yab blanc
m'a nu à bout roul ensanm
Commé la nous n'a pu le minme torné-viré
mais n'encore tas en temps ine, deux rallé-poussé
pou ine ti l'a dit l'a fait souvent ni fait un plat
po quoué nana des fois personne y sait fout'pas
Band jeunes jordu bien sur l'es un peu
plus démerdeurs
ec la télévision la vie lé beaucoup meilleure
zot lé pénards dans la société d'consommation
mais entre zot même n'a pu d'communication
Refrain
Musique
Tout le monde sur la terre nana in
quecqu'chose pou dire su
son présent su son passé ou su son l'avenir
mais si nous écoute pas le causement nout band frère
jamais nous sar capable debout droite su la terre
Refrain
Auteur-compositeur : Corneil Domitile
|
