KAYAMBE - GRAMOUN BEBERT Imprimer

Dan la riyèl malèr

Té granmatin sizèr

Mwin la trouv gramoun Bébèrt

Té antrinn lèv son ti vèr


Mi dya li oté konpèr

Ti wa pa lé ankor bonèr

Talèr ta sot anlèr

E ton pyé i tous arpi atèr


Mé kosa wa fé

Ek in boug konmsa

Sa lé in boug san traka

Mé kosa wa fé

Ek in boug konmsa mi di

Sa lé in boug san sousi


Li dya mwin konmsa oté

Ti ronm la lé mon Bondyé

Kan nana mwin lé zwayé

Si na pwin mi fé pityé


Ek sa li dovyin gabyé

Li fout lo moun antyé

san fé moralité

Li di kat vérité

 

Parol et mizik : Maximin BOYER

 

 

 

 Extrait de l'Album


KAYAMBE
Kaskavèl

Commander le CD sur Discoasis