Rechercher

 

Recherche Alphabétique

ABCDEFGHIJKLM
NOPQRSTUVWXYZ
OUSA NOUSAVA - TI PARI Imprimer Envoyer

Son kaz in kaz an tol
Son kour kour la pousièr
Li sar pa lékol ou trouv sa drol
Mwin lé pa fièr
Li manz sat li la trouvé
Kan li na pwin li fé pitié
E dé fwa kan li na pwin di tou
Li gard a ou dobout dan la bou
Koum si lianvit pléré

E pandan kou sa bas lékol 
Pou alé koz avek ti fy
La ou koné pi personn
Kan ou anbras ti fy

Marmay la na pwin manzé
marmay la i fé pitié
Dand gro soley midi
Li la po rod son manzé
Dand fon la vwari
Marmay la na pwin manzé
Marmay la i fé pitié
Li fouye dan la vwari
Sa marmay ti pari oté

Son kaz ène dé féy tol
Son kour koté la mèr
Li sar pa lékol ou trouv sa drol
Mwin lé pa fièr
Li manz sat li la trouvé
Kan li na pwin li fé pitié
E dé fwa kan li na pwin di tou
Li gard a ou dobout dan la bou
Koum si lianvit pléré

E pandan ké mésié so dimans
Chemise blanche
Monsieur su bor la plage
Oulé avek tantyn
Ou diali admir lo péisage
Ou diali regarde-moi la mer 
Qu'elle est belle 
Et ces vagues qui viennent s'écraser sur les coraux
Pour venir mourir dans le petit lagon
Et regarde aussi le soleil à l'horizon
De là-bas il fait briller tes longs cheveux 
Et tes beaux yeux d'enfant

Torti y wa pa son ké maléré
Torti y wa pa son ké maléré
Torti y wa pa son ké maléré
Li lé maléré torti y wa pa son ké

Papa la po rod boutey
momon sèy vand koutir
Ti frèr la parti la pès
Ti sèr la po fouy dand la pouritir
Ti sèr la po pléré
San kilot dan la pli
Gro mesié i vien zét la salté
La pèr son bagnol
Son bagnol i sali

Okilé zom politik
Sat i yèm rouv la gèl
Sat i yèm fé kritik
Sat nana gran gèl
Marmay la la pwin manzé
Marmay la i fé pitié
Dand gro soley midi
Li la po rod son manzé 
Dand fon la vwari
Marmay la na pwin manzé
Marmay la i fé pitié
Li fouye dan la vwari
Sa marmay ti pari oté

Aou ou lasé do pin 
Ou zèt ali dand somin 
Out sové briy dand soley
Mé sat la sièn la pa parey
Sat la sièn lé tro frisé
Mèm lo van giyn pa déplasé
Idi sa léfé la pousièr ti frèr
Sa léfé la misèr
Astèr marmay la na pwin manzé
Marmay i fé pitié
Li fouye dan la vwari
Sa marmay ti pari oté 

Auteur / compositeur : Frédéric JORON

 

 

 Extrait de l'Album

Ousa nousava
Dérasiné

Commander le CD sur Discoasis