|
La montan lé vert koulèr out ti zié
Mwin mwin lé sou couvert
I fé bon kréché
I fok mi lèv po alé travayé
Sa i kas mon rèv
I fos mon léfé
Alor koum sa po prolong' mon somey
Mwin la trouv' in ralong' i remplas in soley
Oui soley laktualité
Sa la pa travay bon Dié
Do moun la ba lot koté locéan
I fini pi d'tié é fé koul lo san
Zot la po batay po in pé larzan
Po èt gouvernèr ou bien présidan
A mwin isi dans mon' ti koin
Po sort in kou dand se mond' pouri
Mwin la po tir si in ti zouin
La ral a mwin dand in paradi
Zamal (3fois) ti fé mal lo kèr
Lo kèr mon ti zézèr
E pourtan mwin lé fièr
Mwin la sanz linivèr
la mi wa lo ciel lé roz
Koulèr la lèv mand'zel Mimoz
Kand dosu lamour i poz
Ansanm avèk mon kèr i exploz
Zamal (3fois) ti fé mal lo kèr
Lo kèr bon gouver'man
Gouvern'man koulèr larzan
E larzan koulèr lérèr
E lérèr somin la mor (2 fois)
O lérèr somin la mor
Zamal (3 fois) ti fé mal lo kèr
Lo kèr bon militèr
Militèr koulèr koulèr la gèr
E la gèr koulèr lenfèr
E lenfèr frèr babilon
Gouvernay gouvern'man
Victwar pouvwar larzan
Na sat i bwar na sat i fim
I batay dand somin
Sa vréman lé pa tro sin
Mé na sat i vé èt pli pré Jah
An aralan si in ti zouin
Mwin mi parl di sag rasta
Zot i di kofré mwa se chien
Madam (3 fois) out fye dand la krwazé
Li la po koz èk in zamalien
Son palto lé désiré
E son sové lé trésé
Li té sort fim in ti zouin
Mwin la vi sa kand mwin té sort la mès
Oui dand son sové na'd trés
Ek son pantalon rapièsté
Ek son palto désiré
O madam in vré défalké
Mé dison in Bob Marlé
Oté akout akout akout a mwin bél mèr
Ou ki trèt a mwin fimèr
Ou di ké mwin lé zamalien
ou la mèm di mwin lété somèr
Ké toul'tan mi trèn dand somin
Ou vé pa ékout mon kozé
Ou wadmèt pa la vérité
Lot fwa kand out fye la bwar kasé
Ant nout dé ou kisa la pléré
Bél mèr plèr pas i va pa ou
Lès sa plito po zamouré
Bèl mèr plèr pa i va pa ou
Mé i va pa ou di tou
Mwin lé parey in lirondèl
Mwin lé koum in tourterèl
I vien giny la zèl
Mwin lé koum in payenké
Ester mi wa le siel lé blé
Mwin lé koum in payenké
La rozé la mouye son ké
La mèr i bouz sou lo siel en fé
Mon zié lé rouz mi sort pa pléré
Gramoun dand son roum na in not léfé
Sat lé mièn i dériv koté bon dié
Soley i tomb la Rénion i dor
Mi kréz mon tomb mwin pa fé la mor
In romans po mon ti zézèr
La pa mwin la fé mon kèr
Auteur / compositeur : Frédéric JORON
|
