Volnay - Cancrelas Imprimer
Déssis la terre na in bébête y appelle cancrelas
Arrive lo soir li c'est lo roi de la cuisine
Ou trouv' à li partout où ça na restant mangé
Dan' cabinet dans la poubelle ou dessous l'évier
Kan ou allime estrécité la li disparait, on dirait pa k' li ec' son famille  té po trafiqué
Ou supplie à li ou di à li viens dans la limière, li répond' à ou ké li préfère reste dan' fé noir
Oh lé lé! C'est cancreles dan' poste radio ( bis )
Dans la cuisine l'avé in vié poste radio, li té utilise lo caisson com' in entrepôt
C'est en' dan là ké toute son famille té y viens mangé,
In beau matin nou entend lo radio po grésillé
Socoué l'appareil nou domande koca, ec' son dé l'antenne papa cancrelas li la pointe lo zié
Nou la prend tourne-vis po essaye délogé les immigrés, au fond lo radio zot'
la danse toujours olé, olé

La façon ké lo poste li l'été fabriqué, lé impossible tir à zot' ou fo tout cassé
Mi gard' dodans, mi vois cancrelas vec' son veston, noeud papillon po danse séga
au fond son salon
Dans zot' repère lia mène provision et la ponde dé zèf, comme cosmonaute mes amis
dans in astronof
Un bombe tupic lé capab' grille toute résistance, pendant c' temps là mon poste radio
lé dans la souffrance

Lavé in voisin jusqu'à tard li la reste dan' bar
Et dans son caze té éclaire avec la bougie lo soir
Et son tantine té fin' habitié la tir son mangé
Ma laisse si la table benh li va bourré quand li va rivé
Lo lendemain li di ec' son madame carri chevrette té bon
Elle la réponde ma la fé saucisse avec graton
La mi conné chéri hier koça la rivé
Cancrelas té y dors déssis ton z'assiette et toué la mangé. 


Auteur / compositeur : Jean-Paul VOLNAY

 Extrait de l'Album

VOLNAY - Zoli Défo

Commander le CD sur Discoasis

Télécharger sur MusiquesDeLaReunion