Volnay - Coq là Imprimer
Don' à li maïs non conné li in bon coq
Au lié de parc, li préfère la liberté
Li pèse band' poule à terre, après li don' cout' zok
Mais c'est cont' bonhomme com' li ké li va déchiré
Band' na lé assiz déssis gradin, y rogarde y arconte pou ouar quel pli malin
Coq la fin' coiffé, la cuisse lé bien rasé, zargot bien taillé amène à li peser
Mais dès kou la largue à li dan' rond : coq là (3 fois)
Son zié tout' suite y viens en tison : coq là (3 fois)
Si ou fé pariage cont' li c'est pa la peine : coq là (3 fois)
Dan' cercle là li c'est lo roi de l'arène : coq là (3 fois)
Voilà ké la commencé, ti coq là lé largué dan' rond
Son plime lé en bouquet, son zié lé com' çat caméléon
Public y crie, y fé gros pariage 500 cont 1000 si gat' ménage
Ou va courri, ou d'ni valet, mé lia fin gaingn' in dé combat
Ban' na y cause y sar déhors, koça y di li konné pas
Li au milié dan' la poussière li bataille même pou son patron
Bétel y coule li ou a pi clair, mé calcile pa li l in couillon
Li cart' la zaile, socoué la tête, li sante in coup
Ma la gaingn jisqu'à gout do l'eau mi dia ou (au refrain)
Y manque à li in phare, mais l'aut' lé encore là
Ta lèr na ouar fé noir comment li va sort' là
Tapé sans prendre, piqué zargot, là li envoye sans regarder
L'adversaire y gaign' pi levé, Joley y crie fé chauffe do l'eau
Nana y di mé ni comprend pas, moins mi di ké c'est ti hache
Ké la po coupe gros bois
Bon'hère zot' la fini fait le las, pou in fois zot' la pas trapé
dan' n'importe quel combat même ec in zié, mon coq de race sorte victorieux.

Auteur / compositeur : Jean-Paul VOLNAY

 Extrait de l'Album

VOLNAY - Zoli Défo

Commander le CD sur Discoasis

Télécharger sur MusiquesDeLaReunion