Volnay Jean Paul - Apprend' l'école Imprimer
Parfois quand moins mi magine, mi di ma la fé lo couillon
Et là mon l'esprit li chagrine, ma la pa vraiment fé attention
La critique do moune me graffine, et zot' nana inpé raison
L'Ecole moins pas suiv' discipline, au lieu de ça moins parti marron

Aïe aïe aïe zordi ma po regrette tout ça là
Au secours lo temps perdu ça ou rattrape pas
Heureusement la point diplôme chanteur séga
Point partition pou maloya

Marmaille à zot' apprend' l'école, profite nana papa maman
Y faut pas fé comme Popol, ké la pas saute si l'occasion
Lo jeudi moins té sarpose la colle, nou té ça va vole cann' bonbon
Ou bien nou té po joué foot-ball, nou té cour derrière camion

Si té fallait recomencer l'instituteur moin n'auré bien écouté
Plus tard vec' professeur, lé sûr moins n'auré mieux assimilé
Dans n'importe lesquels débat intelectuel té gaingn rentré
Les études na in sèl départ, si ou la loupé tu es totoché

Ti fille là y domande à moins, comment y fo fé sam'di po amisé
Mi répond' à li comm' ça, attend ma questionne mon ordinateur
Lé facile lé pas compliqué, si minitel pou dansé séga
Tape lo code 36-15, après oua domande Tropic's de Paris

Auteur -compositeur : Jean-Paul VOLNAY

 Extrait de l'Album

Volnay Jean Paul - Ti panier

Commander le CD sur Discoasis

Télécharger sur MusiquesDeLaReunion