Volnay Jean Paul - Dîner dansant Imprimer

Bonsoir Madame, bonsoir Monsieur, bonsoir Mademoiselle
Le Président y souhaite zot' toute bon appétit

Jamais jamais jamais moins ma oublié
Lo retard d'un plat d'résistance dan' diner dansant mal organisé

Président son vent' lé plein
Li la fé bouchon tout' l'aprés-midi
Cuisinier la po coup' do pain
Mon l'estomac y commence y crie
Nou lé la dopi 2 hère d'temps
Toute lo pistache fini aspiré
L'apéritif c'est pi lo moment
Quelle heure mangé la sar arrivé

Nana y vé pose réclamation
Auprès de l'organisation
Le responsable de la fête
Y conné pi ou ça y fo mett' la tête
Nana y domand' rembours'ment
Et pi d'aut y rod' fout' bèsement
Vitement, vitement la présente lo plat
Cuillère do riz l'avé rien qu'trois

Pourtant mon madame l'avé dia moins
Goutte in pé mangé onze hère avant
Rapelle à ou mariage Quinquin
Nana surprise dan' diner dansant
Rèsement que nou pa mène marmaille
Sinon ec' nou zot té bataille
A soir quand ma riv' dans ma cuisine
Mi sar dévore in gros plat mine

Auteur -Compositeur :  Jean-Paul VOLNAY

 Extrait de l'Album

Volnay Jean Paul - savate

Commander le CD sur Discoasis